Mira fuente pa Preshon

{{variante|c}}
[[File:Pressure force area.svg|thumb|320px|Forsa di preshon (F) ehersé pa área (A)]]
Den físika, '''preshon''' (of '''drùk''') ta e forsa perpendikular ehersé pa unidat di área. E unidat di preshon ta pascal (Pa), pero e unidatnan bar i atmósfera tambe tin biaha ta wòrdu usá.

Den materia sólido preshon ta un forma di tenshon mekaniko ku ta lo kontrario di tenshon di rèkmentu. Preshon tambe apliká na  líkido i gas. Den e medionan aki, preshon ta wòrdu ehersé riba e murayanan di e barí den kua nan ta kontené, òf riba e superfisie di un opheto kontené den e medio.

Den gasnan, e lei general di gas ta deskribí e relashon entre preshon, temperatura, volúmen i kantidat di molekül. Den líkido, e preshon bou di influensia di gravedat ta oumentá ku e profundidat i densidat di e líkido. Por ehèmpel, den awa e preshon ta oumentá ku mas o ménos 1 atmósfera pa kada 10 meter di profundidat.

== Definishon di formula ==
Preshon dor di un materia sólido por wòrdu kalkulá usando e siguiente formula:
:<math>p = \frac{F}{A}</math>

Pa media di kua:
* <math>p</math> ta para pa e preshon (unidat: <math>Pa</math>).
* <math>F</math> ta e forsa di preshon (unidat: <math>N</math>)
* <math>A</math> ta para pa área di superisie di materia sólido (unidat: <math>m^2</math>)

== Unidat ==
E unidat di preshon (den e sistema-SI) ta e pascal. <math display="inline">1 Pa = \frac{1N}{m^2}</math>. E unidat aki ta konsisti pues di e unidatnan di forsa i área (newton dividí pa meter kuadrá). Un preshon di 0 Pa (apsoluto) ta vaküm; e preshon atmosferiko na nivel di laman ta mas o ménos 100.000 Pa.

{{appendix|refs|2=
* {{Tradukshon for di otro Wikipedia |idioma=nl |titel=
Druk (grootheid) |oldid=66375351}}
}}

[[category:Grandura di medida]]